Moi boas! Preséntome entón…. Son un sabugueiro. Hai poucas árbores ás que lles guste máis a humidade ca min… Medro en calquera lado onde se achegue a auga e gústame moito tamén arrimarme aos muros vellos ou ás casas abandonadas. As miñas flores teñen un recendo intenso e son das herbas máis axeitadas para facer a auga de San Xoán. Unha das miñas cousas máis curiosas é que as miñas pólas por dentro non son todas de madeira, senón que están cheas dunha escuma que se llelas sacas, quedan ocas… Por iso hai moitos xoguetes tradicionais que se fan con elas. Iso si, tes que ter coidado comigo, pois son algo tóxico. As miñas pólas, aínda que son tenras, faranche mal, e a miña flor pódese comer, mais só se está cociñada.