O noso paseo está a piques de rematar. Neste bonito merendeiro podedes coller folgos, descansar un pouquiño ou merendar mentres escoitamos a despedida do noso amigo río e algo máis que nos conta Manolo, o neno do muíño.
Escoitemos o río
Punto 9: A merendAR OU A XOGAR
Menu
Eu vouche dicir adeus. Agardo que gozases dos meus segredos, e que che queden ganas de volver e de coidarme. Polo de agora, descansa… mais se che quedan ganas de coñecerme máis a fondo, podes seguir as miñas beiras cara ao mar ou cara a montaña, guiándote polas frechas indicativas da Ruta do río Te. Tamén podes ir visitar os outros segredos de Rianxo que aínda teñas por descubrir.
Falando de xogar, queres saber como xogaba a xente que vivía por aquí?
Agora só fica cruzar esa ponte e seguir cara á esquerda, de contado atoparedes o punto de comezo, mais… sabedes que? Aí mesmo, ao pasar a ponte, xusto enfronte, hai unha fraga medrada grazas ás nenas e aos nenos dos coles de Rianxo, que plantaron árbores autóctonas. Ese é un sitio ben bonito tamén para xogar!! Poderedes ver moitas árbores que xa estaban onda ao río e mais outras novas.
Se vos apetece acompañar a merenda cun pouco de música, nada mellor que unha muiñeira! Aquí atopades a muiñeira de Cerqueiras, de Xosé Figueiras, un dos mellores gaiteiros que deron estes lares.
Se aínda estades con folgos, podedes continuar coa ruta do Té. Neste punto tendes sinalizacións e ségueas habendo ao longo do percorrido, mais lembrade que nestas non atoparedes os contidos do Apego e poden ser tramos máis difíciles. Tamén podedes atopar outras rutas por Rianxo, coma o Roteiro Castelao ou o paseo dos escritores polo Paseo Marítimo.
